អក្ខរកម្មឌីជីល​ Digital Literacy

ពាក្យ អក្ខរកម្ម សំដៅដល់សមត្ថភាពដែលចេះអាន និងសរសេរ។ អក្ខរកម្មឌីជីថល និងព័ត៌មាន សំដៅដល់សមត្ថភាពក្នុងការប្រើប្រាស់ប្រព័ន្ធផ្សព្វផ្សាយច្រើនប្រភេទដោយសុវត្តិភាព ឈ្លាសវៃ និង ទំនួលខុសត្រូវ។ អក្ខរកម្មប្រព័ន្ធឌីជីថល និងព័ត៌មានគឺជាបណ្តុំជំនាញដែលអនុញ្ញាតឲបុគ្គលម្នាក់់ចេះប្រើប្រាស់ ចេះវិភាគ ចេះបង្កើតខ្លឹមសារថ្មីៗ និងចូលរួមយ៉ាងសកម្មក្នុងប្រព័ន្ទផ្សព្វផ្សាយ។ បុគ្គលដែលចេះមានការយល់ដឹងផ្នែកប្រព័ន្ធផ្សព្វផ្សាយ មានសមត្ថភាពអាចយល់ពីសារស្មុគស្មាញដែលផ្សាយចេញលើកាសែត ផ្ទាំងប៉ាណូ វិឌីអូហ្គេម តន្រ្តី អុិនធើណេត បណ្តាញសង្គមនឹងប្រភេទនៃប្រព័ន្ធផ្សព្វផ្សាយផ្សេងៗទៀតក៏ដូចជាការបង្កើតសារប្រព័ន្ធផ្សព្វផ្សាយ។ នៅតាមបណ្តាប្រទេសជាច្រើន អក្ខរកម្មឌីជីថល ប្រព័ន្ធផ្សព្វផ្សាយនិងព័ត៌មានបានក្លាយជាផ្នែកមួយនៃកម្មវិធីសិក្សារួចទៅហើយ។ គ្រូបង្រៀនយល់ឃើញថាអក្ខរកម្មឌីជីថលប្រព័ន្ធផ្សព្វផ្សាយនិងព័ត៌មានមានសារៈសំខាន់ខ្លាំងណាស់ ដែលអាចធ្វើឲសិស្សអាចប្រើជំនាញនៃ ការគិតបែបសុីជម្រៅយ៉ាងទូលំទូលាយ។ដោយសារតែបច្ចេកវិទ្យាប្រព័ន្ធផ្សព្វផ្សាយមានការរីកចម្រើនយ៉ាងឆាប់រហ័ស ហើយប្រព័ន្ធផ្សព្វផ្សាយមានភាពស្មុគស្មាញនិង ផ្លាស់ប្តូរជាបន្តបន្ទាប់យ៉ាងលឿននោះ អក្ខរកម្មឌីជីថលប្រព័ន្ធផ្សព្វផ្សាយ និងព័ត៌មានបានក្លាយជាជំនាញដ៏សំខាន់មួយនៅជុំវិញពិភពលោក។

0

Create by សាស្រ្តាចារ្យ កុល​ សុវណ្ណវឌ្ឍនា
Last updated: